iPhone Camera ofron një numër modalitetesh për foto dhe video, të cilat ju lejojnë të nxirrni foto, foto me format katror, foto panoramike (iPhone 4s ose version më i ri), video dhe video me lëvizje të ngadalta (iPhone 5s).
Zgjedhja e një modaliteti: Zvarrisni ekranin majtas ose djathtas për të zgjedhur Slo-Mo, Video, Photo, Square ose Pano.
Shkrepja e fotos: Zgjidhni Photo, më pas prekni butonin e shkrepjes ose shtypni një nga butonat e volumit.
Për ta bërë katrore: Zgjidhni Square.
Për të nxjerrë foto të shpejta njëra pas tjetrës: (iPhone 5s) Prekni dhe mbani prekur butonin e shkrepjes për të nxjerrë foto në modalitetin e shkrepjes së fotove njëra pas tjetrës. Numëratori tregon se sa foto keni nxjerrë, derisa të ngrini gishtin. Për të parë fotot e sugjeruara dhe për të zgjedhur fotot që dëshironi të mbani, prekni miniaturën, më pas prekni “Favorites.” Pika(t) gri shënojnë fotot e sugjeruara. Për të kopjuar një foto nga fotot e shkrepura njëra pas tjetrës, si foto të veçantë në Camera Roll, prekni rrethin në këndin e poshtëm djathtas. Për të fshirë setin e fotove të shkrepura njëra pas tjetrës, prekeni, më pas prekni
.
Aplikimi i një filtri: (iPhone 4s ose version më i ri) Prekni
për të aplikuar efekte të ndryshme ngjyrash, si p.sh. bardhezi. Për të çaktivizuar një filtër, prekni , më pas prekni None. Ju mund të aplikoni një filtër edhe më vonë, kur redaktoni foton. Shikoni Redaktimi i fotove dhe shkurtimi i videove.
Aty ku vendoset ekspozimi shfaqet shkurtimisht një katror. Kur fotografoni njerëz, diktimi i fytyrave (iPhone 4s ose version më i ri) balancon ekspozimin deri në 10 fytyra. Një drejtkëndësh shfaqet në çdo fytyrë të dalluar.
Ekspozimi është automatik, por mund ta vendosni ekspozimin manualisht për foton e radhës duke prekur një objekt ose zonë në ekran. Me një kamera iSight, prekja e ekranit vendos fokusin bashkë me ekspozimin. Dallimi i fytyrave është çaktivizuar përkohësisht. Për të bllokuar fokusimin dhe ekspozimin derisa të prekni sërish ekranin, prekni dhe mbani prekur derisa katrori të pulsojë.
Nxjerrja e një fotoje panoramike: (Kamera iSight në iPhone 4s ose version më i ri) Zgjidhni Pano, prekni butonin e diafragmës, më pas panoramoni me ngadalë në drejtimin e shigjetës. Për të panoramuar në drejtim tjetër, prekni më parë shigjetën Për të panoramuar vertikalisht, rrotulloni në fillim iPhone në orientim horizontal. Ju mund të ndryshoni edhe drejtimin e një panoramimi vertikal.
-
Regjistrimi i një videoje: Zgjidhni Video, më pas prekni butonin Shutter për të filluar ose ndaluar regjistrimin.
Nxjerrja e një fotoje gjatë regjistrimit: (iPhone 5 ose version më i ri) Prekni butonin e shkrepjes në këndin e poshtëm të majtë.
Video me lëvizje të ngadalta: (iPhone 5s) Zgjidhni Slo-Mo për të regjistruar video me shpejtësi të lartë kuadrosh. Ju mund të vendosni se cilin seksion të luani sërish lëvizjen e ngadaltë kur editoni videon.
Vendosja e pjesës me lëvizje të ngadalta të një videoje: Prekni miniaturën, më pas përdorni shiritat vertikalë poshtë pamjes kornizë për të vendosur pjesën që dëshironi të luani sërish në lëvizje të ngadalta.
Zmadhimi ose zvogëlimi: (Kamera iSight) Bashkoni ose largoni gishtat mbi imazhin në ekran. Për iPhone 5 ose version të mëvonshëm, zmadhimi funksionon në regjimin e videove si edhe në regjimin e fotove.
Nëse janë aktivizuar Location Services, fotot dhe videot lidhen me të dhënat e vendndodhjes që mund të përdoren nga aplikacione dhe uebsajte për ndarjen e fotove. Shikoni Privacy.
Dëshironi të fotografoni atë që shfaqet në ekran? Shtypni dhe lëshoni njëkohësisht butonat Gjumë/Zgjim dhe Home. Pamja e ekranit shtohet te Camera Roll.
Ju mund të redaktoni fotot dhe të prisni videot, direkt nga iPhone. Shikoni Redaktimi i fotove dhe shkurtimi i videove.