iPhone Në shumë aplikacione, ju mund të prekni Share ose 
për të parë opsionet e ndarjes dhe opsione të tjera. Opsionet mund të variojnë nga aplikacioni që përdorni.
AirDrop (iPhone 5 ose version më i ri) ju lejon të ndani me valë fotot, videot, uebsajte interesante dhe artikuj të tjerë me pajisjet e tjera iOS 7 pranë jush që mbështesin AirDrop. AirDrop kërkon një llogari iCloud, dhe transferon informacion duke përdorur Wi-Fi dhe Bluetooth. Ju duhet të ndodheni në të njëjtin rrjet Wi-Fi, ose brenda 30 këmbëve (10 metrave) nga pajisja tjetër. Transferimet enkriptohen për siguri.
Ndarja e një artikulli duke përdorur AirDrop: Prekni Share ose
, më pas prekni AirDrop dhe prekni emrin e një përdoruesi afër që përdor AirDrop. AirDrop është gjithashtu i disponueshëm te Control Center, thjesht rrëshqisni lart nga fundi i ekranit.
Marrja e artikujve me AirDrop nga të tjerët: Rrëshqitni lart nga fundi i ekranit për të hapur Control Center. Prekni AirDrop, më pas zgjidhni të merrni artikuj vetëm nga Contacts ose nga Everyone. Ju mund të pranoni ose të refuzoni.
Shtimi i një fotoje ose videoje në një transmetim të ndarë: Prekni iCloud, (një opsion ndarjeje në aplikacionin Photos), shtoni një koment nëse dëshironi, zgjidhni një transmetim (ose krijoni një të ri), më pas prekni Post.
Përdorimi i Twitter, Facebook, Flickr ose Vimeo: Hyni në llogarinë tuaj në Settings. Butonat e ndarjes me Twitter, Facebook, Flickr dhe Vimeo ju çojnë te cilësimet përkatëse nëse nuk keni hyrë ende në llogari.
Shënim: Kur krijoni një tweet, numri në cepin poshtë djathtas tregon numrin e karaktereve të mbetura. Bashkëngjitjet përdorin një pjesë nga 140 karakteret e një tweet.